Oraingo honetan bigarren mailako Oiartzun taldearen aurka. Bina egin zuten, eta gero penaltietan lortu zuen aurrera egitea Tolosak. «Hasiera ona izan genuen, lehen zatian 2-0 aurreratu baikinen», esan du Imanol Cabero entrenatzaileak. «Bigarren zatian gehiago sufritu genuen, bi gol jaso eta gero penaltietan lortu genuen irabaztea. Polita izan da bigarren mailako talde baten aurka indarrak neurtzea».
Hurrengo kanporaketa final-laurdenetakoa izango da. Goierri Gorri taldearen aurka jokatuko dute, igandean, 17:00etan, Beasainen. Partida bakarrera izango da eta, irabaziz gero, finalerdia Aurrera de Vitoria edo Alavesen aurka jokatuko dute. «Goierri Gorri Euskal Ligako taldea da, eta aurten elkarren aurka jokatu ditugun bi partidak irabazi ditugu», esan du Caberok. «Halere, partida zaila izango da, Euskadiko Kopako finalerdira pasatzea sari polita delako».