Mugikortasunari lotuta dauden beharrak identifikatu dituzte, adin, behar eta ibilgailu motak kontuan hartuta. Bost urtetako bidea ikusgai egon da, panel eta pantaila bidez.
Haurren Hiria logoa duten zapiak banatu dituzte, eta jolas ezberdinez gain, txapak egiteko aukera izan dute bertaratu direnek. Txirrina jaso dute oroigarri moduan, eta udal ordezkariei landutako guztia helarazi ostean, hamaiketako ederra egin dute parte hartzaile guztiek.
Aurretik, Haurren Hirian parte hartu duten haurrek Olatz Peon alkateari opari bat egin diote. Eskerrak emateaz gain, hitz eman die haurrei, beraiek aurkitu dituzten akats guztiak kontuan hartuko dituztela, eta lanean jarriko dituztela udaleko teknikariak.