Larramendi auzo elkarteak antolatuta eta Arkauteko parkean ari dira jokatzen 4x4 Futbol Txapelketa. 53 taldetan banatuta, berrehundik gora neska-mutilek eman dute izena.
Eguerdian hasi dira partidak jokatzen eta finalak 19:30 inguruan izango dira. Auzo elkarteak Larramendiri bizia emateko antolatu du txapelketa eta Arkaute parkean edariak eta pintxoak banatzeko postuak jarri dituzte.
Eguraldiak ez du gehiegi lagundu eta Arkaute etxeko gela bat prestatu dute gaztetxoak arropaz alda daitezen.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?