Astero-astero Tolosan izaten diren postuez gain, beste lau lorezain izan dira gaur Berdura plazan. Jende asko gerturatu da erosketak bertan egitera.
Gainera, Gaztelako atean, lorez osatutako artelan bat jarri du Lore Artean Gipuzkoako loradenden elkarteak. Berrikuntzaren atea deitu diote eta instalazio honetan kolore gorriko loreak erabili dituzte bizi indarraren sinbolo gisa. Lastoa eta artilea ere erabili dituzte Idoia Lizeagak artistikoki zuzendu duen lan honetan. Donostia, Errenteria, Deba, Hernani eta Elgoibarko lorezainez gain Tolosako Arregik ere parte hartu du ekimenean.