Guztira, Tolosako Laskorain, Samaniego eta Herrikide ikastetxeetako Lehen Hezkuntzako 3. eta 6. maila arteko 43 haurrek osatzen dute 2018-19 ikasturteko Haurren Kontseilua. Mugikortasunarekin lotutako egoera ezberdinetan kokatu dira haurrak, bertatik, beren esperientzia oinarri, ondorioak atera eta neurri ezberdinak proposatzeko. Honezkero, urteko 6 saioetatik 5 burutu dituzte eta bihar emango diote amaiera.
Hain zuzen, azken saio honetan Alondegian kokatutako txoko ezberdinetan batu, aurtengo gaia errepasatu eta landutakoaren ondorio eta proposamena alkateari helaraziko diote. Bide batez datorren urteari begira landu nahi dutena ere azalduko dute. Ondoren mokadu batekin amaituko dute ekitaldia.
Egitaraua:
10:30. Topaketa, Alondegian.
11:00. Jaiaren hasiera: musika, ginkana zirkuitua, txapa tailerra eta erakusketa.
12:30. Olatz Peon alkatearen eta zinegotziaren bisita. Ondoren, alkateari oroigarri bat emango zaio Haurren Hiriaren izenean.
13:00-13:30. Mokadua.