"Nerea, Nerea, Nerea!!!"

Realak Espainiako Kopa ospatu du Tolosan. Jende ugari elkartu da udaletxe aurrean eta Nerea Eizagirre jokalari tolosarraren izena oihukatu dute bereziki.

Lehenbizi udaletxean harrera egin die udalak, eta Olatz Peon alkateak zoriondu egin die Realeko taldekideei lorpenarengatik. Nerea Eizagirre tolosarri txapela jantzi dio, Nahikari Garcia kapitainari Tolosako Bordon Dantzan erabiltzen den alabarda eta Gonzalo Arconada entrenatzaileari (Tolosa CF-ren entrenatzaile izandakoa) oroigarri bat eman dio. Ondoren,  Garbiñe Etxeberria Realeko kirol zuzendariak txapeldunen argazkia oparitu dio alkateari.

Ekitaldia eta gero iritsi da unea jokalariak udaletxeko balkoira ateratzeko. Lehertu da plaza eta hainbat abesti abestu dituzte lortutako kopa ospatuz. Nerea Eizagirrek eskertu die herritarrei plazara agertzea, eta hauek "Nerea, Nerea, Nerea!!!" oihukatuz erantzuten dute. Bukaeran, koparekin eta Realeko jokalariekin argazkiak ateratzeko aukera izan dute zaleek.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!