Tolosan egin den HARAGI, Txingarraren eta Haragiaren Nazioarteko Topaketaren bigarren edizioa, «arrakastaz» itxi dute.
Jende asko gerturatu da antolatzaileen esanetan Tolosara, «giro paregabea» sortuz. Tolosako Udala, Basque Culinary Center eta Hazi Fundazioak helburuak aise bete dituztela azaldu dute, «pozarren». Euskal Herria plaza izan zen HARAGIren gune nagusia, eta zuzeneko erakustaldi eta dastatzeek ehunka bisitari bildu zituzten, parrillariak harritzerainoko jende ilarak sortuz. Ehun pertsona inguruk parte hartu zuten txuletak erretzen ikasteko tailerrean, eta ohikoa bihurtu den Zerkausiko bazkariak ia 300 pertsona bildu zituen, herriko lau erretegiek eskainitako Txuleta Menua dastatzeko.