Espainiako Koparako baliagarria izan den Kanpezu-Ioar Mendi Maratoi-Erdia proban parte hartu zuten aurreko igandean Ane eta Irene Iturria ahizpa tolosarrek. Junior eta kadete mailako korrikalariek 13,3 kilometro proba zuten, 800 metroko bataz besteko malda positiboarekin. Ane Iturriak junior mailakoa irabazi zuen, 1.16.54ko denborarekin; bigarrena Yaiza Miñana izan zen 1.19.39 eginez, eta hirugarrena Angeles Diez, 1.27.19 denbora markatuz. Espainiako Koparen sailkapenean, hiru proba egin ondoren, Iturria lehen postuan doa 278 punturekin; bigarrena Miñana da, 276 punturekin.
Kadete mailan, Alba De Mendiolagoitiak irabazi zuen 1.20.47 eginez; bigarrena izan zen Irene Iturria 1.24.04ko denborarekin, eta hirugarrena Sandra Obon, 1.25.23 eginez. Espainiako Kopan zortzigarren postuan doa Iturria, 156 punturekin.
Irene Iturria, ezkerrean.