"Ez nintzen oso gustura ibili. Ez nintzen ondo sentitzen bizikleta gainean eta lehen itzulia oso gaizki joan zitzaidan. Bigarrengoan dezente hobetzea lortu nuen eta hor lortu nuen bigarren postua", azaldu zuen Irene Caminosek podiumetik jaitsi ondoren. Espainiako Kopako lehen proba jokatu du tolosarrak asteburuan eta sentsazioak baino emaitza hobea lortu du. Beste bi proba geratzen dira kopan. Lehena hurrengo asteburuan Torredembarran izango da. Hirugarrena eta azkena irailaren 19an Cambrilsen.
Espainiako Trial Kopako lehen proba jokatu da asteburuan, Azuqueca de Henaresen. Guztira hiru probak osatzen dute kopa.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!