Tolosa CF-k antolatuta, infantil mailako futbol 8 txapelketa jokatu da gaur egun osoan zehar Berazubin. Hamabi taldek parte hartu dute eta bigarren sailkatua Mulier izan da.
Finala parekatua izan da eta bana amaitu da. Ondoren, penaltietan irabazi du Athleticek txapelketa. Hurrenez hurren horrela geratu da sailkapena: Athletic, Mulier, Reala, Osasuna, Tolosa B, Tolosa A, Pauldarrak, Aurrera de Vitoria, Erandioko Betiko Neskak, Intxaurdi, Leintz Arizmendi eta Lagun Onak.
Sari indibidualak ere banatu dira. Atezain onenaren saria Mulier taldeko Marina Yu Ruizek jaso du eta jokalari onenarena Athletic taldeko Garazi Marotok.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!