Euskal Liga amaitzeko bi jardunaldi falta dira. Tolosa CF-k, liderrak, igandean jokatuko du etxean, Berazubin. Zarautzen aurkako partida erabakigarria 16:30ean hasiko da.
Bi jardunaldi eta sei punturen faltan, Tolosa CF lehen postuan dago, 69 punturekin. Bigarren doan Arratiari lau puntu ateratzen dizkio; bizkaitarrak 65ekin dira. Ondorioz, igandean tolosarrek hiru puntuak lortzen baldin badituzte, maila igoera lortuko dute; Bigarren Mailara.
Deialdi berezia
Emakumeen futbolak aurten jauzi handia eman du futbol zelaien aldetik. Han eta hemen marka historikoak jarri dituzte ikusleen kopuruari begiratuta. Azkena, Herrialde Katalanetan gertatu zen, Espanyol eta Atletico de Madriden arteko partidan. Aurrez, San Mames, Anoeta eta Sadarren suertatu ziren hitzordu ikusgarriak. Tolosa CF-ko kideek, aurrekari horiek kontuan hartuta, deialdi berezia egin dute iganderako. 16:30ean hasiko da Tolosa CF eta Zarautzen arteko partida, eta Berazubi betetzea nahi dute; taldeari babesa emateko eta emakumeen futbola bultzatzeko.
Nescup larunbatean
Berazubin larunbatean ere nesken futbola izango da. Kasu horretan Nescup txapelketari dagokiona. 09:00etan hasiko dira Futbol 8ko partidak, eta, denek elkarrekin bazkaldu ostean, 15:45ean, txapeldunen faseari ekingo diote.
Igandean Berazubi betetzea eskatu dute
Tolosa CF nesken taldea hitzordu historiko baten aurrean dago; Bigarren Mailarako igoera jokatuko du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!