Bart, 05:00ak inguruan, bi pertsona Tolosako Igeralde kaleko lokal batean sartu dira, lapurreta egiteko asmoz. Herritar batek leiho bateko kristala puskatzen ikusi du bietako bat, besteak ingurua behatzen zuen bitartean.
Ertzaintzaren patruila bat bertaratu da gunera, eta bi gizonezko ikusi dituzte lokaletik aldentzen; bien itxura bat zetorren, telefonoz herritarrak egindako deskribapenarekin. Horrela, beraz, ertzainek bi gizonezkoak identifikatu dituzte.
Bietako batek eskuko hatz bat odoletan zuela ikusi dute, eta lokalean puskatutako leihoan ere odol arrastoak zeudela. Gainera, beste gizonezkoak eskuzorroak eta bihurkin bat zituen, jakako poltsikoan. Horrela, beraz, ertzainek bi gizonezkoak atxilotzea erabaki dute, eta polizia-bulegoetara eraman.
Segurtasun Sailak jakinarazi duenez, bi atxilotuak egunean zehar pasatuko dira epailearen aurretik, Tolosako Guardia Epaitegian.