Urteroko ohiturari jarraituz, karakolen lasterketa egin dute asteburuan Tolosako Trianguloa plazan; dastatzeko aukera ere izan dute bertaratu direnek.
Aste Santuan egin ohi da karakolaren festa Tolosan. 30 lagun elkartu ziren barraskilo lasterketa egiteko, eta Bierik Zabaleta berastegiarraren Potxinkardo barraskiloa izan zen helmuga gurutzatzen lehena; bigarren postua, berriz, Iker Carrasco tolosarraren Messi barraskiloak eskuratu zuen. Karakol dastaketarako, Peio Doyharzabal eta Txemari Esteban sukaldariak aritu ziren mokaduak prestatzen.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?