Besteak beste, Getariako Txakolina, Rueda edo Errioxako jatorrizko izendapena duten ardoak dastatu ahal izan dira Trianguloan jarritako karpan. Bost euroan jarri dituzte kopak salgai eta euro baten truke, Orbela eta 1990 tabernek salgai jarritako pintxoak ere dastatu ahal izan dira.
Gure Txokoa elkarteak antolatzen du azoka. Duela hiru urte berreskuratu zuen, denbora batez desagertuta egon ondoren. Indarra hartu du azokak eta jende asko gerturatu da gaur Tolosara ardo txuriak probatzera.