Ostegunean, proiektu bat aurrera eraman nahi duten gazteentzako saioa izango da, 18:00etan Udalak 2019ko diru laguntza lerroa onartu berri du. Urtero eskatzen dutenak eta lehen aldiz egiteko asmoa dutenak joatea garrantzitsua dela diote. Informazio gehiago nahi duenak, 943 670 383 telefono zenbakira deitu, kultura@tolosa.eus helbide elektronikora mezua idatzi edota kultur etxera bertaratu beharko du, astelehenetik ostiralera, goizez (10:00-13:00) edota arratsaldez (16:30-19:00).
Udalak deituta, gaur eta etzi bilduko dira gazteak, eragileak eta norbanakoak, eskaerak nola egin irakatsi eta erraztasunak emateko. Gaur, eskaerak egiteko interesa izan dezaketen talde nahiz norbanakoei zuzendutako bilera izango da, 19:30ean, kultur etxean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!