Braderie festa ari dira ospatzen, gaur, Tolosan. Saltokiek euren eskaintzak atera dituzte kalera. Aurten, lehen aldiz, Trianguloa plazan jarri dituzte postuak.
80 komertziok hartu dute parte ekimen honetan eta iluntzeko 20:00 arte, luzatuko da eskaintza. Trianguloan Tolosa&Co-k postua jarri du, eta inguruan, 2 eta 7 urte bitarteko haurrentzako parkea jarri dute. Goiz eta arratsaldez, hainbat tailer egiteko aukera izango dute gaztetxoenek.
Iaz bezala, tren bat herria zeharkatzen ibili da, Trianguloa plazan hasi eta amaitzen du ibilbidea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!