Zirkuituaren bost eremutan 240 puntu eskuratu zituen Baronek, eta Caminosek eta Studerrek 210 puntu lortu zituzten. Tolosarrak bigarren postua eskuratu zuen, sailkapen proban emaitza hobea lortu zuelako. Maila handiko parte hartzea izan zen Bartzelonan, bertan Nina Reichenbach munduko txapeldun alemaniarra eta Manon Basseville Frantziako txapelduna aritu baitziren.
Gipuzkoako Txapelketa
Igande honetan, martxoak 31, Gipuzkoako Trialsin Txapelketako bigarren proba izango da Tolosan, Usabal kiroldegiaren ondoko trialsineko pistan. 09:30ean hasiko da lehiaketa. Ordu horretan benjaminak, alebinak, infantilak eta kadeteak hasiko dira. Ondoren, 11:00etan, junior-senior, master 30 eta elite mailakoak aterako dira, eta bertan izango da Irene Caminos. Gipuzkoako Txapelketako lehen proba Hernanin izan zen, otsailean. Hirugarrena Aretxabaletan egingo dute, maiatzaren 19an.
