Segurtasuna eta errealitate birtuala ditu gai nagusitzat aurtengo topaketak, eta horien inguruko hitzaldiak eta tailerrak izango dira asteburuan zehar. Izena eman duten parte hartzaileez gain, herritar orok parte hartu ahalko du irekia dagoen Open gunean.
Atzo gauean goiztiarrenak lekua hartzen hasi baziren ere, goizean eman diote hasiera ofiziala Gipuzkoa Encounterri jaurlaritzako, Aldundiko, Tolosako Udaleko eta Euskalteleko ordezkariekin. Parte hartzaileei ongietoria ematearekin batera, teknologiaren garrantzia azpimarratu dute. Orduan ekin dio igandera bitarte iraungo duen egitarauak. Tailerrak eta hitzaldiak izango dira denen eskura, eta sareko jokuak eta lehiaketak ere bai. Hori guztia ordenagailuz beteriko gunean, elkarren artean eta mundura 10 Gb segundoko abiadura duen sareari lotuta.