Hiru atleta aritu dira Espainiako 16 urte azpiko txapelketan

Tolosaldeko Ataria 2019ko mar. 21a, 19:58
Hiru atletak Ivan Gallego entrenatzailearekin.

Tolosa CF Atletismo taldeko Nere Jauregi, Ibone Ezeizabarrena eta June Sudupek parte hartu zuten, asteburuan, Espainiako 16 urte azpiko pista estaliko txapelketan. Gipuzkoa osotik zortzi, eta EAEtik 17 joan ziren.

Jauregik gorako jauzian 1,50 metro egin zituen, eta 13. postua lortu zuen. «Esperientzia hartzen joateko balio izan zion, txapelketei eta urduritasunari aurre egiteko», azaldu dute taldetik. Ezeizabarrenak 1.000 metrotan 3.06 egin zuen, marka pertsonala eginez, eta 13. postua lortuz. June Sudupek ere 1.000 metroak egin zituen, eta marka pertsonaletik oso gertu gelditu zen, 3.07 denborarekin.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!