2019ko zirkulazio zerga ordaintzeko epea, zabalik

Tolosaldeko Ataria 2019ko mar. 21a, 11:21

2019ko Zirkulazio Zergaren borondatezko ordainketa egiteko epea martxoaren 1etik apirilaren 15a bitartekoa izango da. Guztira, 10.476 ibilgailuren jabeek ordaindu behar dute zerga.

Zerga helbideratuta dutenei zuzenean apirilaren 15ean bankutik pasako zaie zerga. Martxoaren 29ra arte dago zerga helbideratzeko aukera. Martxoaren 15erako bere helbide fiskalean agiri ez-helbideratua jasotzen ez duenak, kopia bat eskatzeko aukera izango du UDATEn, borondatezko epe amaierara arte.

Guztira, 10.476 ibilgailuren jabeek ordaindu behar dute zerga. 6.955 herritarrek helbideratuta dute jada ordainketa. Gainontzekoei, ordainagiria igorriko die Udalak.

Ordainketa telematikoki burutu daiteke 'Nire ordainketa' plataformaren bitartez, edota banketxeetan. Horrez gain, udal bulegoetan ere ordaindu daiteke, baina txartel bidez soilik, esku-dirutan edota transferentzia bidez ezingo baita ordainketarik egin.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!