"Trans, bollera, zahar, gazte, kaleko langile, etxeko langile, ikasleak, pentsiodunak... denak geratu gara", esan dute manifestazio bukaeran. Beste herrialdeetatik batzuetatik etorritako emakumeen ordezkari gisa hitz egin duen kide batek nabarmendu duenez, "hemengo zein beste lurralde batzuetatik etorri garenoi, denoi erasotzen digu sistema matxista eta patriarkalak".
Emakumeen aldarrikapenak ezkutuan egotetik eztabaida politikoaren erdigunera eraman dituztela aipatu dute Tolosaldeko mugimendu feministako kideek. "Indarra gure baitan daukagu, jarraituko dugu sistema honi arrakalak eragiten, mundu honen alternatiba feminista izango delako, edo bestela ez da izango".
Zerkausian, musika eta jai giroak jarraitu du manifestazioaren ondoren, aldarrikapen eta borroka egun honi amaiera emanez.