Plaza Berriko kioskoa, eskailerak eta hesiak jendez beteta zeuden 11:00etarako, sokamuturra orduan hasi baita, haur, gazte nahiz helduen gozamenerako. Bertaratutakoek hiru zezen ikusi dituzte, txikiena lehenengo eta handiagoak ondoren eta plazan zeuden gazteak ordu erdi inguruz aritu dira zezenean korrika. Hartzak eta dinosauroak izan dituzte aurrean zezenek, zezenzale batzuk mozorrotuta atera baitira sokamuturrera, eta eguraldia lagun, gozatzeko aukera izan dute.
Zauriturik ez
Anbulantzia prest bazegoen ere, ez da erabili beharrik egon. Izan ere, zezenek arrisku uneren bat sortu badute ere, ez dute inor harrapatu eta bestelako zauriturik ere ez da egon.