Eusko Jaurlaritzaren Segurtasun Sailak eman du erasoaren berri. Ertzainek bi emakumezko korrika ihes egiten ikusi dituzte eta zer gertatzen ari zen galdetzera gerturatu dira. Erasoa jasan duen emakumeak adierazi du gizonezko batek, bere borondatearen aurka, ukituak egin dizkiola.
Ertzainak gizonezkoaren bila hasi dira inguruan eta kale kantoi batean harrapatu dute. Atxilotu egin dute sexu askatasunaren aurkako delitua leporatuta eta epailearen esku utzi dute goizean.