TAS-ek deituta Baterajotze Nazionala burutu da gaur Tolosan. 12:00etan atera dira Trianguloa plazatik, eta Orixera joan dira. Bertan Ertzaintza zain zuten. Hala eta guztiz, manifestazioko hainbat kide ikastetxeko teilatura eta atzeko aldera sartu dira.
Hezkuntza Saileko bi ikuskari Orixen zeuden gaur goizean. Hauek manifestaziotik atera den ikasle ordezkari batekin hitz egin dute, eta astelehenerako jarri dute hitzordua. Bi aldeek konfirmatu dute asteleheneko hitzordu hori. TAS-ek gaineratu duenez, batzar horretan "ebaluazio irizpideen aldaketak bideratzen hasiko dira".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!