TOLOSALDEKO ATARIAren lana erredakziotik kanpo da ikusgarriago, normalean. Erakutsiz ikasi proiektuak, ordea, horri buelta eman, eta eskualdeko ikasleak bertaratzen ditu Tolosako San Esteban auzoko bulegora, tokiko komunikabidearen egunerokoa ezagutzera.
Tolosaldea LHIko informatika zikloko ikasleak izan dira azkenak eta, erredakzioa eta euskarri guztiak ezagutzearekin batera, Pasahitza saioan ere parte hartu zuten, beren ikasketez eta esperientziez aritzeko.
