Tolosako Ingurumen Sailak eta Tolosako Ingurumen Zentroak zuhaitzen inguruko proiektu batean dihardute, herriko ikastetxeekin elkarlanean. Hori dela eta, gaur zuhaitzak landatu dituzte, suhiltzaileen parkearen pareko eremuan.
Duela lau urte hasi ziren, Tolosako ikastetxeak, lan horrekin, eta urtero egin dituzte landatzeak, herriko zenbait gunetan. Gaur, Laskorain ikastolako Lehen Hezkuntzako 5. mailako 100 ikaslek izan dute ardura. Irakasleez gain, TIZ eta Goroldi taldeko adituek ere lagundu diete. TIZeko ordezkariek azaldu dute zuhaitz osasuntsuek zoru osasuntsuak behar dituztela: «Eta herria apaintzeaz gain, badituzte bestelako onurak».
Landatzeez gain, Joseba Parron San Sebastianen Hostoak baino gehiago argazki erakusketa jarri dute ikastetxeetan. Bestetik, hainbat tailer antolatu dituzte, hala nola, tribial txiki bat, edo Instagram bidezko argazki leihaketa.