Haragi 2019. Izen hori izango du aurten, haragiaren baitan ospatu ohi den asteburu osoko festak. Honen harira, jada azken eguneko bazkarirako txartelak erosteko aukera dago. Nazioarteko nahiz Tolosako parrileroak izango dira bazkaria prestatuko dutenak. Tiketak sarean erosi daitezke, BIBE plataformaren bitartez.
Festaren eta gastronomiaren maitaleentzat antolatutako ekimenean, ordea, bazkari ezaguna egun bakarrean egingo da aurten. Bi txanda izango dira Tolosako Zerkausian. Lehenengoa 13:30ean izango da, eta bigarrena, berriz, 14:30ean.
Parte hartuko duten Tolosako erretegiak, Burruntzi, Casa Julián, Casa Nicolas eta Botarri izango dira. Horietako menu tradizionala izango da Zerkausian prestatuko dutena; eta urtero moduan txuletaz eta bertako produktuez osatua izango da, 50 euroko kostua izango duelarik:
- Urdaiazpikoa
- Nafarroako zainzuriak
- Tuterako kukuluak
- Txuleta
- Lodosako piperrak
- Idiazabal gazta
- Teila, zigarrotxoa eta Gorrotxa pasteltxoa
Bazkarirako tiketak, ondorengo esteketan klik eginda eros daitezke: 1. txandakoak eta 2. txandakoak. Erreserbak azkar egitea gomendatzen dute, lekua mugatua delako, eta aurreko urteetan oso azkar amaitu izan direlako. Informazio gehiago nahi duenak, www.haragi.eus webgunea bisita dezake.