Gaur egun, 7,1 erizain daude mila biztanleko Araban, Bizkaian eta Gipuzkoan eta Europan, berriz, bataz beste 8,8. Erizain bakoitzeko paziente kopurua lege bidez arautzeak, "kalitatezko zainketa arduratsu, seguru eta parekidea bermatuko luke Estatu osoan zehar", Amalia Gonzalez Satse sindikatuko kideak aipatu duenez.
Lan baldintza horietan lan eginda "oso zaila" omen da, "arreta humanizatua, segurua eta kalitatezkoa" bermatzea. Hori aldatzeko, erizain gehiago behar dira eta sindikatuak herri ekimen legegilea abiatu du eskakizuna Espainiako Kongresura eramateko.