Tolosako Lore eta Landare Azokak hartu du gaur goizean Trianguloa plaza. Urteko lehen azoka berezian, eguzki izpiek, distira berezia eman diete landareei, eta jende ugari ibili da zuhaitz eta lore landareak erosten.
Euskal Herriko 16 mintegik jarria zuten postua. Era guztietako landareak erosteko aukera izan da, eta zuhaitz landareak erosteko ilarak ere sortu dira. Hazien aukera ere izan da eskuratu nahi izanez gero. Erosleek zituzten zalantzei azalpenak eman dizkiete saltzaileek, eta goizean goizetik ibili da jendea postuz postu erosketak egiten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!