Aktibatu 2019 jardunaldiak, Topic-en

Atzo, Topic zentroan, natura turismoaren eta iraunkortasunaren inguruko jardunaldien 7. edizioa ospatu zuten. Bizibiziki enpresak antolatutako ekimenean, 150 profesional inguruk hartu zuten parte.

Urtero natur turismoaren eta iraunkortasunaren gaiak jorratzen dituzte, eta nazioarteko kasuak ekartzen dituzte Tolosara, beste herrialdeetan aurrera eramaten den kudeaketa eredua ezagutaraztea, hemen aplikagarria delako. Aurten, Zelanda Berritik, Mexikotik eta Erresuma Batutik ekarri zituzten kasuak.

Gainera, Euskal Herrian zein kasu eta zein proiektu berritzaile dauden ere ezagutu zituzten. Arratsaldean, berriz, euskara eta turismoa ardatz hartuta, hausnarketarako tartea zabaldu zuten.

Jardunaldi hauek sektore turistikoan lan egiten duten profesionalei bideratutakoak dira, baita ikasleei ere. 150 pertsona bildu ziren, atzo Topic-en, elkarren artean lan egin eta ideia berrientzako aurrerapausoak emateko asmoz.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!