Urteroko moduan, zuhaitz eta landareen azoka bereziak zabalduko du, Tolosako azoka berezien denboraldia. Larunbatean Euskal Herriko 16 mintegitako arduradunak elkartuko dira Trianguloa plazan eta, beren produktuak eskaintzearekin batera, bezeroek landareen inguruan dituzten kezkak eta zalantzak ere argitzen saiatuko dira.
08:30ean hasita, 14:00ak bitarte plazan izango dira postuak, eta Tolosako Udalak nabarmendu egin nahi izan du Ataungo Dorronsoro mintegia: urtarriletik martxora bitarte, hilabeteko bigarren eta laugarren larunbatetan, Atadi kalean zuhaitz eskaintza prestatzen du azoka egunez. Dena den, etzi, azoka berezia dela-eta, Trianguloa plazan izango da bera ere.
Horrela, zuhaitz eskaintzaz gain, fruta arbolak limoiondoak, laranjondoak, sagarrondoak, baso landareak pinuak, pagoak, haritzak,... , apaingarriak eta zuhaixkak eskuratu ahal izango dira, Tolosan, larunbateko hitzordu berezian.
Postuen arduradunak, berriz, honako mintegiak izango dira: Arakama anaiak (Zegama), Aranburu (Aginaga), Areitio (Zaldibar), Belar (Zaldibar), Blasenea (Zarautz), Dorronsoro (Ataun), El Montañes (Tafalla), Urkizu (Anoeta), Txomin Bilbao (Kortezubi), Artadi (Igorre), Sairu loreak (Usurbil), Zurlan (Anoeta), Zubialde (Beintza-Labaien), Aleka (Gipuzkoa) eta Ortuberri (Iurreta).
Azkenik, aipatzekoa da, larubateroko azokak bere horretan jarraituko duela Zerkausian, Berdura plazan eta Euskal Herria plazan.
Euskal Herriko 16 mintegik postua jarriko dute, larunbatean, Tolosako Trianguloa plazan; erosleen zalantzak ere argituko dituzte.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!