Toldoz mozorrotutako olagarro bat izango da, aurten, hiriburu gipuzkoarreko inauterien irudia.
Lara Aranzabal diseinatzaile tolosarraren lana 239 kartel proposamenen artean aukeratu du epaimahaiak eta, datorren otsailaren 28tik martxoaren 4ra bitarte, Donostiako inauterien irudi izango da lana.
Diseinatzaile grafikoaren proposamenean, toldoz mozorrotutako olagarro bat ageri da, hiriaren ezaugarriak eta inauteriarenak bateratuz. Aipatzekoa da, Lara Aranzabalek Tolosako zenbait kartel lehiaketa ere irabazi izan dituela aurrez.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!