Euskal Ligako Tolosa CF lider jarri da 19. jardunaldian. 46 punturekin daude tolosarrak, azken jardunaldia 2-8 irabazi ondoren. Arratia da bigarren sailkatua, 45 punturekin. Bizkaitarrak bigarren jardunaldian jarri ziren lider. Zazpigarrengoan galdu zuten lehen postu hori, baina ondoren, 12.goan berreskuratzea lortu zuten. Orain Tolosa CF-k kendu die.
Urdinek liga goiko postuetan hasi zuten, baina kosta egin zitzaien bigarren postua eskuratzea. Hori bai, behin lortu ondoren liderraren jazarpena hasi zen. Asteburu honetan etxean jokatuko du Tolosa CF-k, Oiartzunen aurka; igandean, 15:45ean, Usabalen. Hain justu, Oarsoaldeko taldeak kendu zizkion bi puntu asteburuan Arratiari.