Topic zentroko bi txotxongilo, Bartzelonako areto batean

Otsailaren 3ra bitarte egongo dira ikusgai Caixa Forum-ek Bartzelonan antolatu duen erakusketan, Dona eta Merma txotxongiloak; Joan Miro artistak margotu zituen 

El enemigo vive en el sofá izena daraman erakusketan Topic zentroko bi txotxongilo daude ikusgai, Dona eta Merma. Bartzelonako Caixa Forum aretoan dago erakusketa eta Teatro La Claca konpainiaren bihotza izan zen Joan Baixasen txotxongilo eta mundu eszeniko bereziari egiten dio erreferentzia.

Dona eta Merma konpainiaren Mori el Merma izeneko ikuskizunean aritu ziren, eta gero pasa ziren Topic-eko partaide izatera. «Joan Baixasen eta bere kolaboratzaileen ekoizpen eszeniko eta bisualaren jatorrizko materialak erakusten dira erakusketan, hala nola, panpinak, margoak, bideoak, kartelak eta argazkiak», azaldu du Tolosako zentroak. «Hainbeste kaletan, plazatan, antzoki txiki zein handietan, herrialdetan, hainbeste kultura eta ezagututako pertsonen aniztasunetatik jasotako eta bizitako esperientzietatik sortutako emaitza da», gaineratu du.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!