Tolosako epaitegian egin dute elkarretaratzea, eta geroago, komisaldegiraino joan dira. Langileen eskubideen aldeko oihuak eta negoziaketei konponbidea emateko aldarriak egin dituzte.
Langileek diotenez, «hiru sektoreak (kale-garbitzaileena, eraikin judizialetakoena eta komisaldegietakoena), administrazioaren azpikontratak dira». Desberdintasuna, baina, langileen generoan dago. «Kale-garbikuntzan %80 gizonezkoak dira, eta beste bietan %95 emakumezkoak». Hori dela eta, kale-garbikuntzako langileekiko jasaten duten soldata arrakala ezabatua izan dadin eskatzen dute. «Eraikin judizialetako langileekiko %7koa eta %13koa komisaldegietako langileekiko».
Langileen arabera, «egungo legeriak, aukera ematen die administrazio publikoei berdintasunaren alde egiten duten diskurtso politikoa praktikan jartzeko». Gainera, bi sektoreetan publikatuko diren baldintza-orriek, neurriak jasotzeko legearen babesa dutela diote. Irailaren 19an hasi zuten greba, eta negoziaziorik ez dute jarri abian oraindik. Mobilizazio hauen bidez «segurtasun-sailari eta Garbialdi enpresari inplikatzea» eskatzen diete.