Azken eguna gertu du merkatu txikiak. Larunbatean, 20:00etan itxiko ditu ateak Laskorain ikastolak antolatzen duen azokak. Saltzeko dagoen material guztia erdi prezioan jarri dute, azken ostikoak emateko asmoz. Kultur etxeko beheko solairuan egin diote lekua urtero lez, eta goizez nahiz arratsaldez dago irekita, 10:00etatik 13:00etara, eta 17:00etatik 20:00etara.
Lortutako dirua hiru elkarte ezberdinen artean banatuko dute: Ibarrako Misio Taldearen, Baltistan Fundazioaren eta Tolosaldea Sahararekin elkarteen artean, zehazki.
Hogeita zazpi urte inguru daramatzate ekimen hau antolatzen; Laskoraingo ikasleak oporretan daudenean irekitzen dute, hala, txandak egiten dituzte antolatzeko. Azoka ixten denean, aurten Errege egunean, Emauseko Trapuketariek jasotzen dituzte saldu gabe geratutako material guztiak.
Laskorain ikastolak urteak daramatza merkatu txikia kultur etxean antolatzen; larunbatean izango da azken eguna eta 20:00etan itxiko dituzte ateak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!