Tolosako Bandak omenaldia egin zion Jexux Mari Jauregi belauntzarrari, Eguberri eguneko ohiko emanaldian.
Duela 33 urte hasitako ohiturari jarraipena eman dio urtero-urtero Jexux Mari Jauregi tolosarrak. Eguberri egunez emanaldia eskaintzen du Tolosako Musika Bandak Hodeiertz abesbatzarekin batera, eta bertan Jexux Mari Jauregik abestu izan du azken hiru hamarkadetan, bakarlari moduan.
Aurten ordea, azken aldiz eskaini du emanaldia, eta hori dela eta Tolosako Bandak omenaldia egin zion Eguberri egunean bertan. Bandak txapela oparitu zion eta udalak ere hartu zuen parte, lore sorta bat emanda.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!