Kadete bigarren mailan, adibidez, finaleko lau pilotariak Tolosa CF-Aurrerakoak izango dira: Amiano-Gartziarena eta Amundarain-Gabirondo. Jubenilen bigarren mailan, Ezenarro-Lopetegi izango dira Tolosa CF-Aurrerakoak. Kadeteen hirugarren mailan, elkartekoak Etxabe-Mendizabal izango dira. Jubenilen hirugarren mailako finalean, aldiz, lauak: Lasa-Gorostidi eta Mikeo-Goikoetxeandia.
Bestalde, Gipuzkoako banakakoan, jubeniletan finalerdietara hiru iritsi dira: Altuna, Goikoetxea eta Lasa.
Azkenik, Tolosa CF-Aurreratik azaldu dutenez, bihar ostirala, 20:00etatik aurrera hirugarren eta bigarren mailako kadeteen finalak Tolosako Beotibarren jokatuko dira. Jubenilen hirugarren mailakoa Oñatin jokatuko da 20:00etan, bihar.