Arrasaten asteburuan ospatu den akordeoi jaialdian parte hartu zuten Amaia Lizaso eta Koldo Tarragonaren ikasle diren Musika Eskolako gazte ugarik. Garazi Ezkerra, Naroa Arregi, Imanol Lopetegi, Izadi Olano, Ariane Sarasola, Beñat Agirre, Maider Iraola, Eneko Iruiñ, Asier Isasti, Irati Lasa, Laida Aldanondo eta Olaia Herrerok gazteen mailan lehiatu dute, eta banakako nahiz ganbarako mailan, urre eta zilarrezko domina ugari lortu dituzte.
Nagusienek, ganbara eta ensenble taldetako mailatan hartu zuten parte. Miren Goikoetxea, Aitor Arzalluz, Irati Arruabarrena, Ion Ansa, Aitor Uria, Naiara Oyanluce, Jon Kepa Tarragona eta Izaro Cuerdok osatu zuten taldea, Koldo Tarragonaren zuzendaritzapean. Urrezko domina eta epaimahaiaren aipamen berezia eskuratu zuten.
Bi irakasleen esanetan, «emaitza hauek urte osoan egindako lanaren fruitu dira eta ziur datorren urtean berriro itzultzera animatuko dituela». Zorionak denei!