Moda gehigarria

Avalon. Berezi berezia

Tolosaldeko Ataria 2018ko abe. 16a, 07:56

Hasieran osagarri denda zena, urteak pasa ahala, denetik saltzera pasa da. «Gure manikiak fularrez janzten genituen, look originalak sortuz», esan du Avalon dendako Patricia Casajusek.

Egun, arropa, oinetakoak, bitxiak eta osagarriak saltzen dituzte Monica Moreno eta Patricia Casajusek.

Artisautza eta material nobleen alde egin dute apustu hasieratik, hortaz, arropa «berezia» dela azpimarratu dute, «kaletik ikusten ez dena», alegia. Arropa asko Danimarka eta Frantziatik ekartzen dute eta bitxi asko Kataluniatik. Tolosaldeko eta Donostiako poltsa diseinatzaileekin ere lan egin ohi dute.  

Duela gutxi hasi dira oinetakoak saltzen. Oinetakoen ekoizleekin batera euren estilo propioa bilatzen saiatzen dira; zapata ekoizleek diseinu bat proposatzen diete eta Avalonek aldaketa batzuk egitea eskatu dezake, dendako estilora gerturatzeko.

Bezeroekin konfiantza lortzea funtsezkoa dela adierazi dute dendariek, «dendara sartu eta ateratzen lasai utzi eta erositakoa etxean  probatzeko aukera eman behar zaie».

Hala ere, Internet bidez egiten den salmenta izan da Avalonentzat «etsai nagusia». «Herriak hilda nahi ditugu?», galdetu dute, eta bidean goazela esan dute dendariek. Herria bizirik mantentzeko dendak beharrezkoak direla uste dute. Lehiakortasun asko dagoela diote eta denetik eskaintzen duten denda asko daudela, hortaz, «denda bakoitza bere bidea egiten saiatzen» dela uste dute, eta Avalonek ere eskaintza berezian jarri du indarra, hori lortzeko.

Datuak

Helbidea: Berdura Plaza, 4, Tolosa
Telefonoa: 943 67 51 02
Facebook: Avalonmoda
Instagram: avalontolosa

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!