Urtean zehar mota askotako arropa saltzen dute, baina neguan, hotz egiten duenean, txamarren salmentak gora egin ohi duela adierazi du Maribi Saizarrek, bertako saltzaileak.
Espazio irekia dute MM dendan, sartu eta lasai-lasai ikusi daiteke bertan daukaten eskaintza zabala. Bezeroarekiko tratua dute gustuko; «gure asmoa lagundu eta aholkatzea da beti. Bezeroa eroso sentitzea nahi dugu eta behar duen denbora hartzera animatzen dugu, jantzi egokia aukeratu dezan». MM dendan gertutasuna dute ardatz. «Komertzio txikiek daukaten berezitasuna bezeroekiko tratu estua» dela dio dendariak, eta euren bereizgarri nagusia hori dela nabarmendu du; dendara joaten direnak mimatzen dituzte.
Dendak hamabost urte ditu, baina Edurne Garmendia eta Maribi Saizar 2017ko irailean hasi ziren. Denda gaur egun dagoen tokira lekuz aldatu behar izan zuten eta bien artean dendaren kudeaketa hartzea erabaki zutenetik urtebete pasa da.
Datuak
Helbidea: San Frantzisko pasealekua, 17, Tolosa
Telefonoa: 943 65 34 51