Azken tragoa tabernan hartu eta bazkaltzera. 42 lagun elkartu dira, goizean, Errementari kalean kokatuta dagoen Babes tabernako jabeek elkarrekin barraren bestaldean hiru hamarkada daramatzatela ospatzeko aitzakian. Gero, bazkaltzeko eseri dira, baina eguerdian, Tolosako alde zaharreko kaleetan, kalejiran aritu dira bazkarirako izena emanda zutenak.
Txarantzaina txarangaren ardura izan da kaleak alaitzearena. Hauek, gainera, estreinakoz aritu dira, eta bazkal ostean ere jo dute. Ospakizunak, beraz, arratsaldean ere jarraitu du. Urteurren festa berezia, zalantzarik gabe, Martin eta Montserentzat.