Horrela, urte hauetan guztietan laguntzaile izan dituztenekin ospatu nahi dute larunbateko hitzordua. «Jostunak, pailazoak, magoak, musikariak, saltokiak, dantzariak, bazkideak, erraldoi eta buruhandiak... Ezinbestekoa izan dugu, eta dugu, horien guztien laguntza», azaldu du elkarteko inauteri batzordeak.
19:00etan hasita, poteoa egingo dute, eta 20:30ean eskertza ekitaldia izango da elkartean. 21:00etan, berriz, afaria.
1968. urtean antolatu zuen, lehenengoz, Haur Jaialdia, Zerkausian. Gerora beste hainbat lekutan egin izan dute, 80ko hamarkadan, esaterako, 3.000 lagunetik gora bildu zen Beotibar pilotalekuan.