Uzturre Fundazioak antolatuta, Arantxa Tapia Ekonomiaren Garapena eta Azpiegituretako Sailburuak hitzaldia eskaini zuen, atzo, Tolosako Udaleko pleno aretoan, Uzturre Fundazioak antolatuta. Gaur egungo ekonomiaren eta etorkizuneko aurreikuspenen argazki bat eskaini zien bertaratuei eta, besteak beste, hoberako joera, digitalizazioaren erronka eta Basque Industry 4.0 estrategia hizpide izan zituen.
Olatz Peon alkateak egin zuen aurkezpeneko hitzaurrea, eta hitzordua baliatu zuen gaur egun arte EAJ-PNVk agintaldian egin dituenak iragartzeko: "Industriak pisu gehien duen hirugarren eskualdea da Tolosaldea, eta bigarren sektoreak lanpostuen %31 sortzen ditu. Horregatik, enpresengandik gertu egotea ezinbestekoa da guretzat. Legealdi honetan hainbat bisita egiten ari gara inguruko enpresetara, eta izugarrizko aberastasuna dugu: enpresa berritzaileak, langile profesionalak, kalitatea eta pertsonak daude erdigunean".