Azaroaren 25aren bueltan, ohitura bilakatu da, Tolosan, indarkeria matxistaren aurkako flashmoba. Aurten ere, herritar gaztetxoenak erakarri ditu egitasmo aldarrikatzaileak, eta Goazenen Denok zu abestia dantzatu dute, irakasleen gidaritzapean.
Irene Arinek eta Miriam Arandiak aurkeztu dute hitzordua, eta indarkeria matxistak utzitako zenbait datu azpimarratu dituzte, arazoaren larria erdigunean jartzeko. Flashmoba amaitutakoan, Tolosaldeko Asanblada Feministaren manifestazio jendetsuak hartu ditu kaleak.