Oriako Txirrindulari Eskolako kideek eta bertaratutako herritarrek txalo artean jaso dute Caminos, Arsuaga denda atarian. Agurra dantzatu diote eta, munduko beste txapeldun batek, Abraham Olanok jantzi dio munduko txapelketako maillota eta urrezko domina.
Opari gehiago ere jaso ditu txirrindulariak, ez bakarrik Munduko Trialsin Txapelketan taldeka lortutako urreagatik, banaka eskuratu duen bosgarren postuagatik eta denboraldi honetan lortutako garaipenengatik baizik. Europako txapelketan laugarren egin du, Munduko Kopan hirugarren eta Espainiako Kopako eta Txapelketak irabazi ditu.
Gerturatutakoei eskerrak eman dizkie Caminosek eta belaunaldi berriak animatu ditu kirol honekin segi dezaten.