Eskerrik asko Txema eta Juli pankarta zabalduta egin diete harrera Usabal kiroldegiaren atarian eta igeriketan berekin ibilitako ikasleek dantzatu diote aurreskua. Hunkituta jaso du omenaldia Igarondo igeriketa taldean urte askotan entrenatzaile lanetan ibili den lagunak. Txapela jantzita eta lehen besarkadak eman ondoren, kiroldegi barruan segitu dute festak.
Erreleboka aritu dira igerilekuan taldeko kide izandakoak eta behin saioa amaituta denak elkarrekin Izaskunera igo dira bazkaltzera. Taldeko argazkia egin eta bazkalostean opariak eta ezustekoak izango direla iragarri dute omenaldiko antolatzaileek.