Orain arte urtarrileko aste bat hautatzen zuten, hezkuntzari eta kulturari loturiko hitzorduak antolatu eta herritarrei zabaltzeko. Aurten, ordea, Samaniego eta Orixe ikastetxeetako kultur egitasmoa astetan zabaltzea erabaki dute, eta iragarri dituzte zenbait hitzordu.
Bi ikastetxeetako zuzendariak, Gorosti eta Asmoberri guraso elkarteetako ordezkariak eta Patxi Amantegi Tolosako Udaleko ordezkaria izan dira aurkezpenean, eta datorren asteleheneko hitzorduari jarri diote fokua.
Izan ere, Jesus C. Guillen astrofisikari eta ikertzaileak hitzaldia eskainiko du, astelehenean, Tolosako kultur etxean. Garuna eta bihotza oinarri dituen hezkuntza izenburupean, 17:30ean hasiko da, eta herritar guztiek izango dute bertaratzeko aukera; haurtzaindegi zerbitzua ere izango da.
Iragarri dute, hitzordu hori eta gainerakoak ikastetxeak lantzen ari diren metodologia berrian lagungarri izatea nahi dutela. Horrela, urtarrilaren 24an jolasen garrantziari buruzko hitzaldia ere antolatu dute. Ate irekiak, berriz, urtarrilaren 19an izango dira, larunbatarekin, 11:00etatik 13:00etara.
Datorren astelehenean, Jesus C. Guillen astrofisikari eta ikertzaileak hitzaldia eskainiko du, kultur etxean, neurohezkuntzari buruz
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!