Adin txikikoa ikastetxetik atera zenean harrapatu zuen gizonezkoak, eta proposamena egin zion: sexu harremanak izatea, diru truk. Kalean zihoazela, adin txikikoa gizonezkoagandik ihes egiten edo libratzen saiatu zen, gizonezkoak behin eta berriro errepikatzen baitzion, prostituzioan aritzeko aukera.
Horrela, adin txikikoa komun publiko batzuetan sartu zen, eta bere amari abisua pasatzea lortu zuen; hark deitu zuen Ertzaintzara. Gainera, biktimak erasotzailearen hitzak mugikorrarekin grabatzea ere lortu zuen.
Ertzaintzak gaineratu du, erasoa gertatzen ari zen gunera bertaratu ziren ertzainak gizonezkoaren jarreraren lekuko izan zirela. Erasotzailea eta biktima beren kabuz bertaratu ziren polizia etxera, egoera argitzera eta, han, bien testigantzak eta grabaketa entzun eta gero, Ertzaintzak gizonezkoa salatzea erabaki zuen, adin txikiko bat ustez prostituziora bultzatzen saiatu izanagatik.