Kiroldegiko arduradunen arabera, orain arteko bizikleten antzerakoak dira, baina modelo berriagoak dira, merkatuko azken berrikuntzak dituztenak: «iman balazta sistema hoberena duena da, pantaila bat du, erabiltzaileak momentu oro kontrolpean edukitzeko daraman pedal maiztasuna, potentzia, bihotz maiztasuna, erresistentzia eta egindako km-ak zehazten dituena».
Bizikleta zaharrak, berriz, salgai jarriko ditu udalak, bazkideen artean. 195 euroko prezioa dute eta guztira 25 zozkatuko dira. Izen ematea kiroldegiko harreran gauzatu behar da abenduak 17a baino lehen. Zozketa abenduaren 18an egingo da harreran bertan eguerdiko 12:00etan.